gototopgototop

www.korkyt.kz

  • Қазақша
  • Русский
  • English




 
 
 
 

«Археология және этнография» ғылыми-зерттеу орталығы

E-mail Баспаға жіберу PDF
интересные фильмы в хорошем качестве онлайн
Joomla скачать

Орталықтың жетекшісі т.ғ.к., Тәжекеев Әзілхан Әуезханұлы.

Орталық қызметінің негізгі мақсаты Қызылорда облысы аумағындағы тарихи-мәдени мұраларды зерттеу және қорғау, археология және этнография салалары бойынша ғылыми зерттеулер жүргізу және тарихи құндылықтарды Қазақстан халқына насихаттау болып табылады.
Орталық ұжымында 1 ғылым кандидаты, 4 ғылым магистрі және 2 докторант, 1 магистрант қызметкерлер жұмыс жасайды. Орталықтың ғылыми қызметкерлері Әл-Фараби атындағы Қазақ ұлттық университеті, Ә.Х. Марғұлан атындағы Археология институты және Н.Н. Миклухо-Маклай атындағы Этнология және антропология институттарының аспирантурасында білім алған, 1 докторант Түркия Республикасы Измир қаласында Dokuz Eylül университетінде білім алуда.

2004 жылы Мемлекеттік «Мәдени мұра» бағдарламасы аясында Арал маңының ежелгі және ортағасырлық тарихын кешенді зерттеу мақсатында Қорқыт Ата атындағы ҚМУ, Ә.Х. Марғұлан атындағы Археология институты және Н.Н. Миклухо-Маклай атындағы Этнология және антропология институты арсында үшжақты келісім жасалды. Сол келісім негізінде Орталық қызметкерлері Арал маңының ежелгі және ортағасырлық тарихын зерттеуге бағытталған ғылыми ізденістер жүргізіп келеді:
1. 2004 жылдан бастап Орталық қызметкерлерінің қатысуымен Ә.Х. Марғұлан атындағы Археология институты және Н.Н. Миклухо-Маклай атындағы Этнология және антропология институттары ғалымдарымен бірлескен ортағасырлық Жанкент қаласында және антикалық Шірік-рабат, Баланды ескерткіштерінде археологиялық зерттеулер жүргізіліп келеді.

2. 2005-2007, 2011 жылдары Орталық қызметкерлерінің қатысуымен Ә.Х. Марғұлан атындағы Археология институтымен бірлескен «Қызылорда облысының тарихи-мәдени ескерткіштерінің жинағын» шығару мақсатында аймақ көлемінде арнайы барлау экспедициясы жұмыс жүргізді.

3. 2005-2007 жылдары Орталық қызметкерлерінің қатысуымен Ш.Уәлиханов атындағы Тарих және этнология институтымен бірлескен РФ Астрахан облысындағы, Батыс Монғолияның Баян-өлке аумағындағы және Ақтөбе облысындағы этникалық қазақтардың тұрмыс-тіршілігін зерттеу мақсатында құрылған этнографиялық экспедициясы жұмыс жүргізді.

4. 2011 жылы «Wenner-Gren» (Веннер-Грин) антропологиялық қорымен «Истоки ранних средневековых городов в Северо-Западном Казахстане» тақырыбында Жанкентте археологиялық қазба жұмыстармен қатар, геофизикалық жұмыстар, топырақтану және геоморфологиялық зерттеулер жүргізілді.

5.2012-2013 жж. Герда Хенкельдің қорымен (Германия) «Реставрация, каталогизация и оцифровка Архива Хорезмской экспедиции» тақырыбында ғылыми-зерттеулер жүргізілді.

6. 2012-2014 жылдары Қорқыт Ата атындағы Қызылорда мемлекеттік университеті «Археология және этнография » ғылыми-зерттеу орталығы Қазақстан Республикасы білім және ғылым министрлігінің «Экономикалық, әлеуметтік және гуманитарлық ғылымдар саласындағы іргелі және қолданбалы зерттеулер» бағытында жарияланған конкурсы негізінде «Сырдарияның төменгі ағысы қалаларының ортағасырлар кезеңіндегі этномәдени байланыстардағы рөлі (Жанкент қала жұрты)» және «Оңтүстік-шығыс Арал маңын мекендеген ежелгі тайпалардың дүниетанымы мен идеологиясы және наным-сенімдері мен әдет-ғұрыптары» атты гранттық жобалар ұтып алынып, орындалды.

7. 2014 жылы орталықта Қызылорда облыстық тарихи-өлкетану музейінің тапсырысы бойынша «1867-1991 жылдар аралығында археологиялық ғылыми-зерттеулердің нәтижесінде Қызылорда облысы территориясынан Ресей Федерациясына әкетілген тарихи-мәдени құндылықтардан сандық және 3D өлшемінде виртуалды мұрағат және музейлік, мұрағаттық экспонаттар каталогын құру» жобасы аясында жұмыстар жүргізілді.
Қорқыт Ата атындағы Қызылорда мемлекеттік университеті «Археология және этнография » ғылыми зерттеу орталығына 2015 жылдың 28 сәуірінде ҚР Мәдениет және спорт министрлігінің Мәдениет және өнер істері департаментінен «Тарих және мәдениет ескерткіштерінде археологиялық және ғылыми-реставрациялық жұмыстарды жүргізуге» шектеусіз уақытқа мемлекеттік лицензия берілген.

8. Орталық ұжымы Ә.Х. Марғұлан атындағы Археология институтымен бірлесіп ҚР БҒМ Ғылым комитетінің 2015-2017 жылдарға арналған «Экономикалық, әлеуметтік және гуманитарлық ғылымдар саласындағы іргелі және қолданбалы зерттеулер» бағытында «Арал маңының егін және мал шаруашылықтарының байланысқа түскен аймағындағы қала мәдениеті (б.д. І мыңжылдығы)» атты ғылыми жоба бойынша Шіркейлі Қос-асар қалашығында қазба жұмыстарын жүргізді.

9. 2015 жылдан бүгінгі күнге дейін орталық қызметкерлері шектеусіз уақытқа берілген мемлекеттік лицензия бойынша «Қызылорда облыстық тарихи және мәдени ескерткіштерді қорғау жөніндегі» коммуналдық мемлекеттік мекемесінің тапсырысы бойынша облыс аумағында екі ірі ортағасырлық қалашықтарға қазба жұмыстарын жүргізіп келе жатыр.
Қызылорда облысы Қазалы ауданындағы Жанкент қалашығына археологиялық зерттеу жұмыстары жүргізіле бастады.

10. 2017 жылы Қызылорда облысы Қармақшы ауданындағы Сортөбе қалашығына археологиялық зерттеу жұмыстары жүргізілді.

11. Қорқыт Ата атындағы Қызылорда мемлекеттік университеті және Тюбинген университетінің біріккен 2018-2020 жж. «Nomad state formation and urbanization on the northern Silk Road: The early medieval town of Dzhankent (Aral Sea region, Kazakhstan)» (Формирование и урбанизация государства Nomad на северном Шелковом пути: Ранний средневековый город Джанкент (регион Аральского моря, Казахстан) атты жоба ұтып алынды. Бұл жобаны Германияның (DFG) неміс гуманитарлық зерттеулер қоры қаржыландыратын болады.

 
 
 
 
left direction
right direction
Министерство здравоохранения Республики Казахстан
IPRbooks
KazKom
Финансовый центр
e-history.kz
G Global
Темпус
Қазақ Ұлттық Аграрлық Университеті
polpred.com -Обзор СМИ
Северо-Казахстанский государственный университет им.М.Козыбаева
Карагандинский Государственный Технический Университет
Электрондық үкімет